ކ.ކާށިދޫ ގައި ކޮމިއުނިޓީ ފާމްއެއް ތަރައްޤީކުރުމަށް އެގްރޯ ނޭޝަނަލް ކޯޕަރޭޝަން ޕްރައިވެޓް ލިމިޓެޑަށް ދޫކުރާ އެއްލައްކަ އަކަފޫޓުގެ ބިމުގެ އެއްބަސްވުމުގައި ސޮއިކޮށްފިއެވެ. މި އެއްބަސްވުމުގައި ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް މުޙައްމަދު ޢާމިރެވެ. އަދި އެގްރޯނެޓްގެ ފަރާރުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރ ހުސައިން ދީދީއެވެ. އެގްރޯނެޓް ކޮމިއުނިޓީ ފާމްގެ މަޤްޞަދަކީ ކާށިދޫގެ ދަނޑުވެރިން ދެމެހެއްޓެނިވި އަދި ޒަމާނީ ދަނޑުވެރިކަމަށް އަހުލުވެރިކޮށް ޓްރެއިން ކުރުމަށްޓަކައި ނަމޫނާ ދަނޑެއް ތަރައްގީކުކރުމެވެ. އެގްރޯނެޓްގެ ހަރަކާތްތައް ކާށިދޫގައި ފެށިގެންދިޔަނީ 2022 ވަނަ އަހަރު ކާށިދޫ ކައުންސިލްގެ ރައީސްގެ އިސް ނެންގެވުމުގެ މަތިން އެގްރޯނެޓާއި ކުރެވުނު މަޝްވަރާތަކަށްފަހުއެވެ. އެގްރޯނެޓް ކާށިދޫގައި ޤާއިމްވެގެން ދިޔައީ އެއަހަރު ދަނޑުވެރިންގެ ދުވަސް ޤައުމީ ފެންވަރުގައި ކާށިދޫގައި ފާހަގަކުރުމުގެ މުނާސަބަތާއި ގުޅުވައިގެން، ކޮމިއުނިޓީ ފާމް ތަރައްޤީކުރުމަށްޓަކައި އެގްރޯނެޓަށް ބިމެއް ހަމަޖެއްސުމަށް ކައުންސިލުން ނިންމުމާއި ގުޅިގެންނެވެ.
