ކާށިދޫ ކައުންސިލް ހޭންޑްބޯލް ޗެލެންޖް 2023 ބާއްވައިފި

އަންހެނުންނަށް ޚާއްސަކޮށްގެން ބޭއްވުނު ކާށިދޫ ކައުންސިލް ހޭންޑް ބޯލް ޗެލެންޖް 2023 ގެ މަޤުޞަދަކީ ރަށުގެ އަންހެނުންގެ މެދުގައި އެކުވެރިކަން ބަދަހިކޮށް ވާދަވެރި މާޙައުލަކުން ހުނަރުވެރި އަންހެން ހޭންޑްބޯލް ކުޅުންތެރިން އުފެއްދުމެވެ. އަދި ޖުމުލަކޮށް ހެލިފެލިވެ އުޅުން އިތުރުކުރުމަށް ހިތްވަރުދިނުމާއި ދުޅަހެޔޮ ސިއްހަތަކަށް ކުޅިވަރު ކުރުމުގެ ރޫޙު އާލާކުރުމެވެ. މުބާރާތް އިންތިޒާމްކޮށް ހިންގާފައިވަނީ ކުލަބު އީއެކްސްއީގެ ފަރާތުންނެވެ.

މި މުބާރާރުގައި ޖުމުލަ 3 ޓީމަކުން ބައިވެރިވެފައިވެއެވެ. އެއީ ޓީމް އެންޖީ ސްޓާޓިންގ އާއި، ޓީމް ފަތްމިނި އަދި ޓީމް ކައުންސިލެވެ.

މުބާރާތުގެ ޗެމްޕިއަންކަން ހޯދާފައިވަނީ ޓީމް އެންޖީ ސްޓާރޓިންގ އެވެ. ރަނަރަޕްކަން ހޯދާފައިވަނީ ޓީމް ފަތްމިންޏެވެ. ފެއަރޕްލޭ ޓީމަކީ ޓީމް ކައުންސިލެވެ. މުބާރާތުގެ ކުއީން އޮފް ދަ ޓޯނަމަންޓަކަށް ހޮވިފައިވަނީ އެންޖީ ސްޓާރޓިންގގެ އައިޝަތު އާނާ ފަތުހުﷲއެވެ.