ކާށިދޫގެ ލޭންޑް ޔޫޒް ޕްލޭން ރައްޔިތުންގެ ވޯޓަކުން ފާސްކޮށްފިއެވެ. ލޭންޑް ޔޫޒް ޕްލޭން ފާސްކުރުމަށްޓަކައި ބޭއްވި ރައްޔިޔުންގެ ބައްދަލުވުމުގައި ލޭންޑް ޔޫޒް ޕްލޭން ފާސްކޮށްފައިވަނީ ބައްދަލުވުމަށް ހާޒިރުވި ގިނަ އަދަދެއްގެ ރައްޔިތުންގެ ބޮޑު އަގުލަބިއްޔަތަކުންނެވެ. މިއީ ކާށިދޫގެ ލޭންޑް ޔޫޒް ޕްލޭނެއް އެކުލަވާލާ ރައްޔިތުން އެޕްލޭނަކަށް ރުހުންދިނުމާ ހަމައަށް ގެންދެވުނު ފުރަތަމަ ފަހަރެވެ.
ލޭންޑް ޔޫޒް ޕްލޭން އެކުލަވާލާފައިވަނީ އެކަމަށް ރައްޔިތުންގެ ޚިޔާލާއި މަޝްވަރާ ހޯދުމަށް ބޭއްވުނު މަޝްވަރާ ބައްދަލުވުންތަކެއް ބޭއްވުމަށްފަހުއެވެ.
ކާށިދޫ ކައުންސިލްގެ ރައީސް ވިދާޅުވީ މިއީ ކައުންސިލަށާއި ރަށުގެ ރައްޔިތުންނަށް ހާސިލުކުރެވުނު ތާރީޚީ ލަނޑުދަނޑިއެއް ކަމަށެވެ. އަދި މި ތާރީޚީ ވޯޓުގައި ބައިވެރިވެ ލޭންޑްޔޫސް ޕްލޭން ފާސްކޮށްދެއްވުމަށް ވޯޓު ދެއްވި އެންމެހާ ބޭފުޅުންނަށް ޝުކުރު އަދާކުރެއްވިއެވެ.
