އެމްއެންޑީއެފްގެ މާލޭ އޭރިއާ ކޮމާންޑާއި، ކާށިދޫ ކައުންސިލާއި ރަށުގެ މުޢައްސަސާތައް ގުޅިގެން، ކާށިދޫ ރައްޔިތުންނަށް އަމާޒުކޮށްގެން ފަޔަރ އެވެއަރނެސް ޕްރޮގްރާމެއް ބާއްވައިފިއެވެ. މި ޕްރޮގްރާމް ކުރިއަށް ގެންގޮސްފައިވަނީ 3 މާޗް 2023 ވަނަ ދުވަހު، ދެ ސެޝަންއަކަށް ބަހާލައިގެންނެވެ. ހަވީރު ސެޝަން ޚާއްޞަކޮށްފައިވަނީ ސްކޫލު ދަރިވަރުންނަށެވެ. އަދި ރޭގަނޑުގެ ސެޝަން ކުރިއަށް ގެންގޮސްފައިވަނީ އާއްމު ރައްޔިތުންނަށެވެ. މި ޝެޝަންތަކުގައި މަޢުލޫމާތު ދެއްވާފައިވަނީ އެމްއެންޑީއެފްގެ އިންސްޓްރަކްޓަރުންނެވެ. މި ޕްރޮގްރާމްގައި، އަލިފާން ހިފަން މެދުވެރިވާ ސަބަބުތަކާއި، އަލިފާނުގެ ހާދިސާތައް މަދުކުރަން ކުރެވިދާނެ ކަންތައްތަކާއި، އަދި އަލިފާން ނިވާލުމުގައި އަމަލުކުރެވިދާނެ ގޮތްތަކުގެ މަޢުލޫމާތު ދީފައިވެއެވެ. އަދި މީގެ އިތުރުން ޕްރެކްޓިކަލް އެކްސަސައިޒް ތަކެއްވެސް ކުރިއަށް ގެންގޮސްފައިވެއެވެ.
